一 試 上 癮 High 水

向 來 好 怕 飲 有 氣 礦 泉 水 Sparkling Water ， 因 為 總 覺 有 陣 苦 澀 味 ， 氣 太 多 又 會 谷 住 。 每 次 出 Trip 要 去 呢 歐 洲 泉 水 王 國 ， 簡 直 就 係 噩 夢 ， 直 情 想 放 一 箱 蒸 餾 水 落 篋 。 不 過 朋 友 Angie 最 近 經 常 約 我 下 午 High 水 唔 High Tea ， 極 力 推 介 飲 法 國 水 王 Chateldon ， 連 皮 膚 都 滑 埋 。 價 錢 幾 High 都 冇 所 謂 。 靚 喎 ！ 唔 飲 都 唔 得 啦 。

http://appleblogpaper.blogspot.com

about me:
Hallowina

超 級 饞 嘴 ， 相 信 幸 福 是 吃 一 隻 帶 海 水 鹹 味 的 肥 美 生 蠔 ， 滿 腦 都 充 滿 美 味 食 物 ， 曾 想 過 為 好 味 的 海 鮮 而 移 民 澳 洲 ， 不 過 怕 曬 所 以 放 棄 。 偏 偏 食 量 與 身 形 不 成 正 比 ， 經 常 被 人 勸 食 多 ， 實 情 係 每 日 以 優 質 食 糧 「 餵 飼 」 ， 胃 部 容 量 深 不 可 測 ， 可 比 黑 洞 。

皇 帝 御 用 水 王 Chateldon

Angie 一 向 愛 相 約 Happy Hour 落 蘭 桂 坊 飲 紅 酒 ， 早 兩 日 竟 然 話 要 去 bubbles bar 嘆 下 午 水 而 非 下 午 茶 。 問 佢 點 解 突 然 轉 性 ， 佢 話 早 排 飲 過 貴 價 礦 泉 水 ， 一 飲 上 癮 之 餘 皮 膚 都 滑 ， 令 我 心 郁 郁 睇 有 無 咁 誇 。 Angie 坐 低 便 以 法 文 叫 了 一 支 Chateldon 。 紅 酒 以 產 地 、 年 份 分 級 別 ， 水 雖 然 沒 有 出 產 年 份 ， 但 原 來 不 同 產 地 的 礦 泉 水 亦 有 不 同 的 味 道 、 成 份 。 Chateldon 來 自 法 國 同 名 的 小 村 落 ， 1650 年 開 始 被 製 作 成 樽 裝 水 出 售 ， 是 法 國 國 王 路 易 十 四 的 最 愛 ， 當 年 只 有 皇 室 貴 族 先 有 權 飲 用 。 就 算 今 時 今 日 ， 都 唔 係 度 度 有 得 賣 ， 呢 支 水 中 之 王 只 有 米 芝 蓮 三 星 餐 廳 先 飲 得 到 。 由 於 我 對 Sparkling Water 始 終 有 戒 心 ， 所 以 只 嚐 一 小 啖 ， 發 覺 水 質 極 為 輕 柔 ， 氣 泡 極 為 幼 細 ， 要 非 常 留 神 先 感 覺 得 到 。 冇 了 我 一 直 覺 得 存 在 的 泉 水 苦 澀 味 ， 反 而 有 淡 淡 的 鹹 味 留 口 中 。

	■ Fiji Natural Artesian Water $12/500m （ from city'super ）
■ 英 國 Tynant $50/330ml	■ 法 國 的 Wattwiller $50/500ml

40 隻 水 40 種 味

一 口 Chateldon 令 我 對 有 氣 泉 水 的 印 象 改 觀 ， 我 快 快 翻 開 Water List ， 一 睇 原 來 有 40 幾 隻 唔 同 牌 子 的 礦 泉 水 。 問 bubbles bar 的 經 理 Bobby 是 否 每 隻 水 都 有 唔 同 味 道 ， 佢 話 ： 「 礦 泉 水 有 來 自 地 底 深 處 ， 亦 有 來 自 冰 川 雪 山 ， 含 有 豐 富 的 礦 物 質 。 而 每 隻 牌 子 礦 泉 水 的 產 地 令 礦 泉 水 的 成 份 有 所 不 同 ， 會 影 響 水 的 味 道 ， 有 不 同 濃 度 的 鹹 味 。 我 通 常 飲 到 的 鹹 味 係 來 自 鈉 （ Sodium ） ， 鈉 含 量 多 少 而 影 響 鹹 淡 濃 度 。 」 她 再 推 介 我 試 另 一 隻 法 國 水 Badoit ， 果 然 無 Chateldon 咁 鹹 ， 不 過 氣 泡 就 更 細 更 滑 ， 幾 乎 感 覺 唔 到 ， 飲 後 口 腔 內 仲 保 持 濕 潤 感 。 我 再 叫 一 支 無 氣 的 日 本 溫 泉 水 比 較 ， 發 覺 質 感 的 確 較 ， 口 腔 很 快 變 。

■ 另 一 隻 法 國 牌 子 Badoit ， 質 感 更 細 滑 ， 不 過 沒 有 那 份 醒 神 的 鹹 味 。 $50/500ml

■ 相 對 之 下 日 本 的 溫 泉 水 ， 較 淡 而 且 質 感 不 夠 細 滑 。 $50/500ml

飲 水 又 滑 又 醒 神

■ bubbles bar 的 經 理 Bobby 皮 膚 滑 溜 ， 佢 話 同 飲 得 水 多 有 關 。

我 同 Angie 兩 人 越 飲 越 興 奮 ， 冰 凍 的 Sparkling Water 入 口 真 係 非 常 醒 神 ， 問 Bobby 有 氣 泉 水 是 否 最 好 凍 飲 ？ 「 我 通 常 會 將 水 放 入 雪 櫃 冷 藏 至 攝 氏 4 度 左 右 ， 因 為 呢 個 溫 度 最 接 近 地 下 泉 水 的 清 溫 度 ， 希 望 可 以 令 水 跟 原 味 最 似 。 」 原 來 Bobby 11 年 前 香 港 工 作 時 ， 怕 水 土 不 服 而 開 始 轉 飲 樽 裝 水 ： 「 香 港 水 有 陣 味 ， 所 以 只 飲 樽 裝 水 。 做 完 運 動 後 飲 一 大 支 ， 走 體 內 的 Toxic ， 簡 直 連 皮 膚 都 會 滑 ﹗ 」 雖 然 我 唔 覺 香 港 水 有 咩 問 題 ， 但 望 落 Bobby 塊 臉 ， 睇 所 言 非 虛 ， 連 Angie 都 感 到 皮 膚 滑 。 Bobby 仲 話 疲 累 時 飲 咖 啡 都 唔 及 飲 水 咁 提 神 ， 放 一 片 青 檸 一 齊 飲 會 好 Refreshing 。 bubbles bar 每 送 上 一 支 水 ， 都 有 青 檸 、 橄 欖 ， 因 為 橄 欖 可 刺 激 味 蕾 ， 試 出 水 的 真 味 。 其 實 閒 時 都 唔 需 要 飲 咁 貴 ， 去 超 市 買 支 Fiji 一 樣 夠 天 然 。 雖 然 口 感 未 及 Chateldon 幼 細 ， 但 比 一 般 水 都 滑 好 多 ， 也 算 是 又 平 又 靚 的 選 擇 。

查 詢 ： bubbles bar （ 2113 6051 ）
尖 沙 嘴 海 港 城 太 子 酒 店 大 堂

最 新 回 應

Annie ： 飲 水 之 餘 我 仲 鍾 意 儲 樽 ， 早 排 由 時 裝 大 師 Christian Lacroix 設 計 的 Evian 08 年 限 量 版 Merry Cou Cou 雲 裳 瓶 ， 就 係 我 心 頭 好

Kathy ︰ 全 世 界 最 貴 的 水 是 新 西 蘭 的 420 Volcanic ， 從 地 深 火 山 岩 層 中 抽 取 出 來 ， 每 公 升 要 $800 。

相 關 超 連 結

http://www.finewaters.com/default.asp

由 《 Fine Waters 》 作 者 Michael Mascha 所 寫 的 網 頁 ， 內 有 不 同 牌 子 樽 裝 水 的 介 紹 ， 包 括 歷 史 、 成 份 及 售 賣 點 等 ， 更 研 究 地 理 差 異 對 水 的 影 響 ， 更 會 人 如 何 用 水 配 搭 不 同 菜 式 。